‏بخصوص الاسئلة المتكرر في مقابلات القطاع النفطي في الاعوام السابقة

‏اول شي المقابله بتكون بين دقيقه لي 5 دقايق بالكثير ، لازم تدش تسلم ب ابتسامه ، حط فبالك انهم متفقين على ادوار و المقابله ياخذون فيها نقاط على شخصية اي جدامهم و سلوكه و ردود افعاله

‏بتلقى الكرسي غير مريح سنادات الايد مو ثابته و الطاوله قصيره ، بعض الشباب دشوا و سيده استلموهم اساله بعضهم لا كانوا يسولفون مو مهتمين للي دش يشوفون ردة فعلك ، بتلقى واحد مجابل تلفونه طول الوقت و فجاه ينطلك بسؤال ، بتلقاهم يسالونك سؤال قبل ما تكمل الاجابه واحد يقاطعك و يسألك سؤال ثاني

‏تبدي ..

‏تعرف بنفسك ( من غير اسمك ولا تنطرد ) : اي جامعه - شنو تخصصك - متى تخرجت - معدلك - هواياتك - الاكتفيتي الي سويتها #دعاية عن نفسك
‏ممكن يقولون لك عرف عن نفسك بالانجليزي ( اذا سألوك عربي جاوب عربي سألوك انجليزي جاوب انجليزي )
‏* في واحد سألوه شنو هواياتك قالهم كره قالوا له منو تشجع قال مدريد قالوا له خوش جيم اسبوع الي طاف فازوا 3-0 ، جان يقولهم لا فازوا 1-0
‏* في واحد قالهم احب الشعر قالوا له قولنا شعر حافظه ، منو شعرائك الي تحب تقرا لهم ، جان واحد يقوله في خوش شعر قايله فلان و قال بيتين ، جان يقوله غلط هالشعر للشاعر الفلاني مو الي انت ذكرته
‏* واحد سألوه شنو انجازاتك ، قال لهم كان ودي اصير معيد بالجامعه و قدرت احقق هالشي كورس ، جان يقولون ليش معدلك نازل شلون صرت معيد ، شرح لهم الاليه بس في وحده نشبت تقول اي ماده يلا اشرحها شلون سويت المنهج ... الخ ، الي دش بعده يقول المراه اطيب وحده فيهم ( المقابله نفسيه يتبادلون ادوار مع كل شخص )

‏اسأله تكررت ...
‏- شنو تعرف عن البترول ؟
‏- ليش البترول مهم بالكويت ؟
‏- شنو شركات ال كي بي سي ؟
‏- شنو تنتج كل شركة ؟
‏- ليش قدمت على الشركة ؟
‏- دشيت موقع الشركة ؟ شنو قريت فيه ؟ شنو منتجات شركة KNPC ?
‏- شنو الفرق من داون ستريم و اب ستريم ؟
‏- شنو يحتاج القطاع النفطي من حيطة وحذر ؟
‏- ليش تتوقع تخصصك مهم ؟
‏- شنو مشروع تخرجك ؟
‏- مرات قليلة يسألون ليش معدلك نازل ؟
‏- اصعب موقف
‏تفضل مسؤولك ريال او مره
‏اذا واحد اقل منك وترقى صار فوقك تزعل وتتحبط؟
‏- اذا قطيناك بمكان بعيد شتسوي وعادي عندك ؟
‏- اذا تعطل المكييف بالمكتب شتسوي ( ممكن يكون اي موقف بس بيشوفون ردة فعلك )
‏- اذا مسؤولك مرأه ولا رجل عادي عندك ؟
‏- مسؤولك عطاك مهمة وقالك خلصها لي وكان وايد شغل عندك وضغط .. شتسوي؟
‏- شنو الي ينرفزك اكثر شي ؟
‏- الي مقابلاتهم بوقت متاخر يقولون لهم شنو قالوا لكم ربعكم الي قابلناهم قبلكم بس تجاوب فجاه يصدمك بسؤال

‏ملاحظة:
‏ممنوع تدخلون وياكم اوراق وشهايد وسيفي
‏ممنوع منع باتاً اتدشون و التلفون مبطل او سايلنت
‏ممنوع تذكرون اسمكم ! ولاتنطردون
‏مهم جدا لبس رسمي
‏مهم جدا الثقة بالنفس
‏الابتسامه و تبادل النظرات لما تجاوب طالع الكل بعيونهم