فلوسك تنسحب وتلفونك مقفول!

تخيل فلوسك تنسحب من تليفونك.. وهو مسكر.

السالفة مو خيال.. ثغرة خطيرة ب Apple Pay طاحوفيها الخبراء، والحل بضغطة زر.

شسالفة هالثغرة؟

باحثين في الأمن السيبراني من جامعة برمننغهام اكتشفوا ثغرة تخص ميزة"العبور السريع" (Express Transit) في الآيفون.

هالميزة أصلاً مسوينها عشان تدفع حق بوابات القطارات والمترو والمترو بسرعة من غير لا Face ID أو باسورد.

شلون تصير السرقة؟

النصاب أو الهاكر يستخدم جهاز لاسلكي صغير ويقرب تليفونك بالزحمة.

الجهاز هذا يوهم الآيفون إنه قاعد يمر ببوابة دفع المواصلات،

وهني التليفون يواف على العملية ويسحب المبلغ من بطاقتك بدون يطلب منك أي تأكيد!

هل هذا الكلام موثوق؟

إي نعم! التجربة توثقت من جامعات بريطانية ونشرتها وكالات عالمية مثل BBC، وكانت تستهدف تحديداً بعض بطاقات ال Visa المرتبطة بهذي الخاصية.

ورغم إن الشركات نزلت تحديثات أمنية، بس دايماً الحذر واجب والوقاية خير من العلاج.

شلون أحمي نفسي؟ الحل بتليفونك!

 إذا إنت بالديرة وما تستخدمِ قطارات، اغلق الخاصية فوراً!

1- دش الإعدادات (Settings)

2- اختار Wallet & Apple Pay 3

3- انزل تحت واضغط على Express Transit Card اختار None.

دير بالك على فلوسك!

دير بالك على فلوسك لا تجعل ثغرة بسيطة تكلفك غالي!

تاكد من إعداداتك، وشارك البوست مع ربعك وأهلك بالقروبات خلهم يتأكدون أنهم تم الغاء الخاصية