تمت دعوتي الاسبوع اللي طاف من قبل البنك التجاري لاطلاق حملة
يا زين تراثنا التي تهدف لاحياء التراث والنظر اله بعين الفخر

حفل اطلاق الحفله كان في متحف الفن الحديث مقابل سوق شرق
الاجواء كانت كلها تراثيه
اول مادخلنا استقبلونا اسره البنك التجاري وقالولنا نختار ثوب قديم نكشخ فيه

وحاطين صقر للي يبي ياخذ صوره تذكاريه

الاعلامي عبدالله بوفتين مع الصقر

الطاولات كانت تشوق حاطين عليها مفرش سدو وكل مواعين التقديم قديمه والحلويات هم كويتيه قديمه
مثل اللقيمات والغريبه والزلابيه


حتى الجاي في استكانه ام نقطه

استكانتي وكشختي بثوبي الازرق

بسومه مجابلتني وكاشخه بالثوب :*

مقدم الحفل كان المتميز سلمان النجادي

سلمان يتحدث مع المرعب جاسم يعقوب

الاخت اماني من البنك التجاري ترحب بالحضور

وصار وقت دخول فرقه سلمان العماري واحلى اجواء تراثيه

وزعوا علينا هديه تذكاريه عباره عن دله قهوه صغيره تشوق

اما العشا كان كله كويتي هريس ويريش ومرقوق

شكرا للبنك التجاري على الدعوه والحفل المميز والشكر موصول لشركه لوكل فليفر لتنظيمهم الرائع
حفل اطلاق حمله يازين تراثنا للبنك التجاري