|
centrepoint kuwait جولة في سنتربويت
سنتر بوينت من وجهات التسوق المفضلة بالنسبة لي أحب أتمشى فيه لما أكون فاضية صارلهم فترة بلشوا تنزيلات وحسب ماعرفت بتستمر تنزيلاتهم لي نهاية هالشهر أو بداية شهر أكتوبر اليوم مرتني صديقتي ورحنا نتمشى ما كنت أبي شي معين .. بس مايصير ندش السوق بدون لا نشتري مرينا صوب سكشن الميك اب مو كل الماركات كان عليهم سيل هاذي ميبيلين ماسكرتهم الصفره اللي ما أستغني عنها
لوريال
بورجوا بغيت ملقط تركيب الرموش بس كان خالص
Back 2 school
وهالسكشن أحبه أكثر شي بسنتر بوينت الشموع والزيوت العطرية وتوابعهم
حبيته كيوت ينفع حق أبله
وهالشموع ريحتهم عجيييبه ريحة حلاو مصاص حلاو كرز .. عنب .. تفاح
تشكيلة كبيرة من الاكسسوارات يشملها الخصم
عجبني الجويتي مع تايقر وانتوا بكرامه
ملابس المواليد وأطقم الهدايا
حبيت ورق التغليف وأنا أسوي البوست تذكرت إني محتاجه ورق تغليف ونسيت آخذ :/
ومن قسم الأثاث والأدوات المنزلية حبيت هالـ placemats
في منهم سلفر وذهبي
وشايفه مثلهم بأبيات كل الألوان أحمر وأزرق وأخضر وهالصحون حدهم شوقوني
من الأشياء اللي ما أشبع منها
نباتات وزهور صناعية حلوين كديكور بالمكاتب أنا أحب أحط الصغار بصينية تقديم القهوة أو الجاي
وآخر شي هالطاولة حبيتها وحبيت الـ table setting مرتب وذوق
يتراوالي ماكو أحد ما يدل أفرع سنتر بوينت بس للتذكير حولي ، السالمية ، الري ، الجهراء ، الصليبيخات ، الأوقاف ، الفحيحيل وأخيرا في الأفنيوز
من موضة وجمال
|
