بما إن الجو تعدل وايد مشالله قررنا نحجز شاليه مع الأهل هالويك اند

ووقع اختيارهم على شاليهات منتجع كوبثورن الجهراء أو نفس ماهم معروفين باسم شاليهات سليّل

هاذي ماهي أول زيارة لنا سبق وحجزنا عندهم السنة اللي طافت بالشتا

والأهل حبوا المكان لأن ميزته الأولى الهدوء ثم الهدوء

المكان حلوو وملموم وعدد الشاليهات ماهو كبير بس حيل حبينا المكان

الهدوء عطانا نوع من الخصوصية .. حسينا جنه المنتجع لنا بروحنا

كان فيه جم عايله بس لي السبت الكل راح بما إن الأحد دوامات بس احنا مددنا لي الأحد وتمينا بروحنا بالمنتجع

مابي أطول عليكم وايد وبخليكم مع الصور

وهذا شاليهنا

كل شاليه فيه يمه على جنب مساحه مجكنمة حلوة حق قعدة أو ممكن استغلالها حق الباربكيو

وهذا الشاليه من داخل

يتكون من غرفتين وحده منهم ماستر وحمام عزكم الله مع صالة ومطبخ مفتوح

ورحنا نستكشف المنتجع ونطل على حمام السباحة

وهذا حق الصغار

وعلى هالجو الخيالي مشالله اللي مره مطر ومره شمس ومره غيم

كان لازم نقعد قعدة رواء مع قهوة وكتاب ^_^

وهاذي ألعاب حق اليهال

دوارف وزحلاقيات وكان فيه ملعب قدم وطائرة

وطاح الغدا وردينا الشاليه

وبعد الغدا انتقلت القعدة وصارت بره

وجاي الفحم المخدر كان ضروري بهالجو الحلو

ومايصير نروح شاليه بدون لا نسوي باربكيو

وهذا كان عشانا

بس مشالله من المطر كل شوي شايلين الدوا خايفين لا يطفي الفحم

وثاني يوم بلشنا صباحنا بالقهوة التركية

والجو غيم وريحة الزرع من بعد المطر عجيبة

وقررنا يومها يكون غدانا بمجمع سليّل اللي يبعد عن المنتجع مسافة 3 دقايق بالسيارة

مجمع فيه محلات ومطاعم وألعاب حق اليهال

تغدينا ولعبنا اليهال بهالبطات الحلوين

عجبني منظر السما والغيم مشالله

اللي حبيته بعد بالمنتجع إن يمه مطاعم قريبة وألعاب حق اليهال

وستي سنتر ومركز سلطان وسنتر بوينت

يعني حتى لونقصكم شي مايحتاي تطقون درب طويل كل شي يمكم قريب

كان ويك اند جميل بيمعة الأهل والحبايب

عسى الله يحفظهم

منتجع كوبثورن الجهراء تابع لسلسلة فنادق ميلينيوم

Al Jahra Copthorne Hotel & Resort

• Al Jahra, 01033
• Kuwait
• T. +965 2459 0000+965 2459 0000
• F. +965 2459 0005