قبل جم يوم قررنا نروح آنا و صديقي مطعم ماكي في برج التجارية في الديرة

و لما وصلنا لفت انتباهي مطعم مواجه لمطعم ماكي اسمه

Oliversan

بالبداية توقعت يكون المطعم هندي من ستايله و ديكوراته اللي ما كنت مدقق فيها عدل

لكن بمجرد ما دخلنا و شفت المكان عجبني جدا ديكوره و اللوقو ماله اللي مستوحى من القبعة الانجليزية

و لما وصل المنيو قالي الجرسون إن المطعم تابع لسلسلة مطاعم ماكي اليابانية

قلت حلو يعني ما باعدنا لأني كنت ياي أصلا أبي آكل سوشي و غيره من سوالف ماكي الطيبة

المكان هادي و راقي و نظيف و الحلو فيه إن ما عليه ضغط من الناس

المقبلات حلوة و شهية

و طلبنا شغلات من منيو ماكي مثل المارين سالات و النيقي ماكي و فولكينو سوشي

و أكيد الربيان بصوص الفلفل اللي يشوق


و سألتهم عن أهم طبق يميز مطعمهم فقالولي إن طبق اللحم هو الأشهر عندهم و طلبناه


و طبعا ما أستغني عن البيناكولادا الناطع اللي ما تكمل الوجبات اليابانية بدونه

المطعم حلو أنصحكم فيه أكله لذيذ و خدمتهم حلوه

تجربتي مطعم أوليفر سان