و لأن عقب سفرة أمريكا حسيت إن في اكلات من زمان ما أكلتها مثل الاكل اللبناني اقترحت عليها نروح ناكل في مطعم جوري اللي ما صار له فترة فاتحت عندنا في منطقة الجابرية
موقعه ما يضيع تحصلونه و انتو نازلين من جسر الدائري الرابع باتجاه السالمية على ايدكم اليمين
المبنى كبير و حلو و موقعه ممتاز
دخلنا و كان الاستقبال جميل و الترحيب حلو و حبيت جدا اللون الأبيض الطاغي على الديكور الداخلي
المطعم يتكون من طابقين و في الدور الأرضي التصميم على هيئة حوش شامي و تتوسطه نافوره صغيرة و الأجواء عائلية و جميلة
طلبنا المقبلات الطيبة و المشاوي المشكلة
التبوله كانت عجيبه
سلطة الجرجير وايد اعجبتني و اوصلت المشاوي
و أخيرا وصل هذا الشي اللذيذ عصير الليمون بالنعناع عندهم مو طبيعي أنصحكم تجربونه
المكان حلو لطلعة غدا مع الأهل أو الأصدقاء خاصة في عطلة نهاية الاسبوع بس أنصحك اتيون مبجر أو تحجزون قبلها لأن المطعم ماشالله مزدحم و عليه اقبال حلو
لكن عندي بعض الملاحظات عليه : أولا واضح ربكة العاملين في المطعم و ما في تنسيق بينهم بإدارة الطاولات و تلبية طلبات الزباين ثانيا الخدمة بطيئة شوي يعني تضطر تنطر أحد يمر عليك علشان توقفه و تطلب منه شي ثالثا رغم السرعة في تقديم طلبات الأكل لكن للأمانة ما حسيت في شي مميز في أكلهم غير التبولة و سلطة الجرجير و عصيرهم غير جذي الأكل كان جدا عادي و حسب خبرتي مع المطاعم اللبنانيه في الكويت في مطاعم وايد أكلها أحلى و ألذ
يبقى مطعم جوري مطعم مميز و حلو لتغيير الجو تقييمي له 6 من 10
و اوصلت المشاوي
و أخيرا وصل هذا الشي اللذيذ عصير الليمون بالنعناع عندهم مو طبيعي أنصحكم تجربونه