اوقات وتواريخ مهرجان المباركية

اليوم كان اليوم الاول للمهرجان
التنظيم وايد حلو وطريقة تصميم البوثات جميله

حاطين هالسنه مجسم جميل
انا ♥ الكويت

ام صباح
يحليلها مره كبيره ماعرفها كل سنه بهالوقت اشوفها لابسه علم الكويت وتتمشى بالمباركيه
واسمع الناس ينادونها ام صباح
استأذنت اصورها وماقصرت قالت صوروني

وتمشينا نشوف المشاريع الموجوده للفتره الاولى وصورت لكم جم شغله عجبتني واكاونتاتهم موجوده في اكاونتي الانستغرام
فليج عنده دراريع وجناط شحلوهم على ورده وصباح

حرفه شغلهم يشوق ماشاء الله
هذي سلال للخبز والمكسرات وغيرها

شالات حلوين على عبارات

ستوديو اوشا بعد موجودين
تمسكون اللي تبون من التعليقات او الكبابيس وغيرها ويصورونكم للذكرى

جواتي زبابيط (اديداس) زوغه

رزاقيات للدراريع وعندهم معابيج بعد

كرسبي بايتس
خذيت حرفي يم يم طعمه لذيذذ

ناعمين الفناجين

شغل عدل يعطيهم العافيه مهرجان المباركية