‏سعر النعيمي راح يوصل (170 دك) بشهر رمضان حالياً 115-120 دك.

‏والاسترالي (مو موجود عند المواشي) حالياً والشامخ عنده مبرد يبيعه ب 65 دك 16-17 كيلو بدون راس بدون كبده ، وبشهر رمضان الله وحده العالم كم سعره راح يوصل اتوقع 80 دك واكثر.

‏وين المشكلة؟

‏المشكلة ان اغلب دول العالم تستورد من استراليا، وأستراليا تعطي عدد معين من المواشي لكل دولة.

‏ شركة المواشي قاعده تستورد من استراليا، واحتياجات السوق اكبر بمراحل من العدد اللي استراليا تعطي الكويت.

‏2.الدولة مانعه الاستيراد من العراق وايران (بشكل رسمي) فخيارات الاستيراد محدوده جداً
‏3.الدولة موقفه رخصة استيراد المواشي والشركات اللي عندها رخص محدوده جداً (احتكار)
‏4.مافي دعم كافي يشجع مربين الاغنام انهم ينتجون محلياً
‏5.عصابات صفاة الغنم (بعضهم) مسيطرين على السوق ومحتكرين الاغنام يصعدون بالاسعار على كيفهم واغلبهم وافدين.

‏الحل ؟

‏1. فتح اصدار رخص استيراد المواشي للجميع
‏2. رصد ميزانية كبيرة لدعم تربية المواشي وتشجيعها
‏3. مراقبة جواخير كبد والمزارع مركز العصابات الغير قانونية يذبحون الخرفان اللي فيهم امراض و يوزعونهم بالسوق على بعض الملاحم اللي ماخذينها تضمين و يبيعونهم على الناس لا ذمه ولا ضمير
‏4. يضيفون اللحوم الطازجة من ضمن البطاقة ويدعمونها مثل ما دعموا الدجاج (اللحم اهم من الدجاج)
‏5. واخيراً ((اشتروا)) من الحين لحومكم حق شهر رمضان وحطوه بالفريزر لان العصابات محتكره اللحوم ووصل سعره اليوم بالسوق الي 115 دك النعيمي.