فهد الأربش: مازلت استغرب من بعض المشاهير اللي صارت عندهم عشرات الملايين بلمحة بصر
- قولبتها يمين يسار مو راضيه تركب.
كتب محرر الشؤون المحلية: قال فهد جواد الأربش على منصة x : اشتغلنا أكثر من 180 سنة بالمجوهرات من أجداد أجدادنا ونعرف شلون الدينار يطلع بتعب و مشقة و عرق الجبين ونعرف شلون صعوبة الوصول إلى المليون دينار وغالبية التجار الشرفاء كذلك. وأضاف: بعض المشاهير المليون عنده كأنّه 100 فلس، وطلعوا عشرات الملايين خلال سنتين و ثلاث وشروا قصور و أندر أنواع المجوهرات وسيارات فارههة وجناط بعشرات الألوف ويخوت حتى الملوك ما شروها. وتابع: يشهد الله أن ماهو حسد و أي شخص يطلع فلوسه بالحلال عليه بألف عافية ونتمنى الخير للجميع ولكن بصراحة هالأموال ما تدخل المخ. وأضاف: حسبة سريعة .. لو كل يوم على مدار السنة 360 يوماً يصير عندهم إعلانات بمعدل ألف دينار باليوم وهالشي مستحيل يصير راح يطلع 360 ألف دينار وتابع : يعني يحتاجون ثلاث سنوات عشان يطلعون مليون دينار، هذا إذا ما صرف ولا دينار من مدخوله ... شلون يشترون هالقصور والبيوت بالكويت و خارج الكويت واليخوت و المجوهرات ؟ وأضاف: أنا متأكد أن الحكومة راح تعيد النظر بفتح ملفات بعض المشاهير باذن الله.
