حياتنا عبارة عن واسطه واللي ما يعرف نائب ويكون قريب صوبه تضيع حقوقه كان كل نائب بمجلس الامة له كوته بوظائف الوزارات و الهيئات حسب قوته وتأثيره بالمجلس واذا كان ((اقشر)) وعنده لوبي و استجواباته قويه هذا يشق ويخيط. ما يمشي شي إلا عن طريق مجلس الامة.
- احد يبي انتداب واسطه - علاج بالخارج واسطه معلمه او معلم يبي ينتقل مدرسة ثانية واسطه - الوظائف الحكومية كلها بدون استثناء واسطه خاصة الوزارات السيادية - غرف خاصة بالمستشفى واسطه - فحص فني للسيارة تاخذها وانت بالبيت بواسطه - ليسن للسايق ينجح بالواسطه - احد دعمك يقلب عليك القصه بالواسطه مثل ما صار فيني باحدى السنوات. - مخالفه من التجارة او المطافي او البلدية يطيحونها بالواسطه. - تبي جاخور او مزرعه واسطه - تبي ارض صناعية حتى لو عندك بقاله او دكان واسطه تبي جنسية واسطه. .. واللسته طويله
دارت الدنيا وتقريبا انتهت الواسطه بكل مكان لله الحمد و كل واحد قام ياخذ حقه واللي خذوا شي مو من حقهم بالوزارات او الأراضي من الدولة قاعدين يرجعون عليهم شخص شخص.
عسى الله يديم علينا نعمة الامن والامان والراحه والاطمئنان والإحساس بالعدالة ولا يضيع على اي انسان حق.
