الشايع ماكل الخضر واليابس بالديرة
فهد الأربش:
البعض ينتقد واهو ما يعرف حتى يدير بقاله
الرجل استثمر اكثر من مليار دينار كويتي بديرته بينما البعض من التجار اللي يملكون اكثر منه حولوا كل اموالهم بره الكويت ولا استثمروا فلس واحد بديرتهم.
موظف 200 كويتي، لو يعطي رواتب 700 دك لكل موظف كويتي مع ان الرواتب اكثر من هالمعدل.
يعني يدفع رواتب تقريبا للكويتيين 1,600,000دك سنويا!!
مواقف المجمع مجانية ويقدر يخليها بفلوس و يطلع مئات الالوف من وراها.
مستثمر بالمطاعم الراقيه و السريعه
بالمقاهي
بمحلات التجزئه اشكال والوان
بالعطور
بالحلويات
بمحلات الشاي
بالجمعيات
بالماركات
بالترفيه
الخ
مو مخلي شي إلا يايبه الكويت و مونسنا، البعض ما يعرف شنو صعوبه ادارة الوكالات العالمية تحتاج الي مجهود و ادارة مختصه لتلبية متطلبات هالوكالات.
وجود مشاريع بحجم الأفنيوز
رفع مستوى قطاع التجزئة والترفيه في الكويت،
وخلاها منافسة إقليميًا،
وأوجد بيئة جاذبة للعلامات العالمية والمستهلكين.
منو فيكم يتخيل الكويت بدون مجمع الافيتيوز ؟؟
هل الهجوم على الشايع حسد؟
جز منه وحسد و جزء منه ناتج عن سوء فهم لطبيعة عمل التاجر.
التاجر يستثمر، يوظّف، ويتحمّل المخاطر،
والربح ماهو جريمة بل نتيجة طبيعية لهذا الجهد.
الشايع، سواء اتفقنا أو اختلفنا،
يبقى نموذج لرجل أعمال راهن على وطنه،
وترك أثر وبصمه لا يمكن إنكاره في تفاصيل حياتنا اليومية
عسى الله يوفقه و يوفق كل تاجر شريف
