عند الغرب يعتبر الهالووين جزء من ثقافتهم و مرتبط نوعا ما في معتقداتهم الدينية و الطريف في الموضوع ان عندهم قرقيعان خاص بهاليوم مثل ما احنا عندنا قرقيعانا في شهر رمضان .

و طبعا الشركات ما تجذب خبر في هاليوم و تستفيد منه في بيع المنتجات و الملابس التنكرية المرتبطة في هاليوم وهو ٣١ اكتوبر من كل عام .

يسمون عيد الهالووين ايضا بيوم القديسين و كانوا يحتفلون فيه بالماضي في الكنائس ثم تطور الموضوع و اخذى منحى آخر لما قامو يعتقدون الغرب ان في هذا اليوم تحوم الارواح من غروب الشمس حتى شروقها و علشان جذي كنوع من الاحتفال يلبسون الاطفال الملابس التنكرية و يطلعون يدورون على البيوت علشان يقرقعون .. قصدي يجمعون الحلوى

اما هوليوود فما قصرت في افلامها و مسلسلاتها احتفت في هالمناسبة و عززت هالمعاقدات في اعمال قدمتها و بعضها خلدها التاريخ مثل سلسلة افلام هالووين

بالنسبة لي عشت اجواء الهالوين في لندن في احدى زياراتي لها و صادف حلول هالمناسبة و كانت مظاهر الاحتفال فيه بكل مكان و بليل كانوا الناس يتمشون في الشوارع لابسين الملابس التنكرية و يقدمون عروض في الشوارع

Halloween عيد الهالووين و القرقيعان