فهد الأربش: الناس تتكلم عن الذهب والكل قام يفتي

‏كثيرين من الناس تتكلم عن الذهب والكل قام يفتي.

‏نصيحة من شخص اجداد اجداده اشتغلوا وما زالوا يشتغلون بالذهب لأكثر من 140 سنة

‏الذهب راح “يصعد” الذهب راح “ينزل”

‏اغلب هالناس اللي تتكلم عن صعود ونزول الذهب هذا يسمونه speculators
‏مضاربين او متنبئين او مقامرين

‏اليوم يقولك كلام وباجر يغير كلامه وانت تركب الباص وتدش بالطوفه، مافي انسان بالكون يقدر يتنبأ بعلم الغيب كاهو الذهب نزل بيوم واحد 500 دك بالكيلو بيوم وليله.
‏لو فعلاً يعرفون متى راح ينزل او يصعد الذهب جان صار عندهم مليارات

‏التداول بالبورصات العالمية ماهو إلا ((قمار)) بغطاء ((شرعي)) ومقامره عاليه الخطوره.

‏انزين شنو الحل إذا عندنا ذهب ((نبيع)) او ((ننطر)) واذا عندنا فلوس نشتري الحين او ننطر؟

‏هالقرار انت تاخذه بنفسك، إذا شفت نفسك مرتاح بالربح القليل او الكثير اللي راح تحققه من بيع الذهب اللي عندك ((بيع)) ولا تتحسف إذا صعد اكثر لانك بحياتك ما راح تصيد الحد الاعلى إلا إذا الله سبحانه وتعالى كتب لك الرزق طبعا.

‏واذا عندك بيزات زايده ومقتنع ان الذهب ((ملاذ آمن)) اشتر بالسعر اللي جدامك، او عن الحسافه اشتر على دفعات مثلا كل شهر نسبة 10٪ من فلوسك الزايده.
‏
‏لا تسمعون كلام أحد بشراء او بيع الذهب انتوا قرروا بنفسكم.

‏انتهى