6 أشياء عن التمرين تمنيت اعرفها من قبل

1. مو لازم تتمرن 6 أيام بالأسبوع
3 أو 4 حصص مركّزة مع يوم راحة تعطي نتائج أفضل من التمرين اليومي اللي يرهق الجسم

2. الحديد مو بس حق اللي يبي يكبّر عضلاته
يساعد بحرق الدهون، يشد الجسم، ويحسّن المظهر العام مع الوقت.

3. الاستمرار أهم من الحماس الزايد
حتى لو تمرينك 20 دقيقة بس، أهم شي إنك تلتزم، مو إنك تجهد نفسك يوم واحد وتختفي أسبوع.

4. ركّز على الطريقة قبل الوزن
الحركة الصحيحة تحميك من الإصابة وتعطي نتائج أسرع وأفضل.

5. التغذية أساس كل شي
بعد التمرين، الجسم يحتاج كربوهيدرات عشان يتعافى ويخزنها بالعضل مو كدهون. الأكل الصح يسرّع النتائج، ما يوقفها.

6. لا تراقب الرقم بس
تابع صورك، شوف شلون لياقتك تتغير، حتى لبسك يقول لك شكثر جسمك قاعد يتحسن، ووفّر فحص BMI بالنادي عشان تتابع تقدمك بشكل أوضح.