فهد الأربش: ‏نصائح لوجه الله للناس اللي تبي تستثمر بالذهب

سعر الجرام وصل 40 دك

‏اللي ناوي يستثمر بالذهب، الأفضل يشتريه كمعدن حقيقي ويحتفظ فيه بنفسه، مو عن طريق البرامج أو البنوك.
‏لأن كل 250 اونصة ذهب يتم تداوله إلكترونيًا يقابله اونصة وحده حقيقية موجود بالسوق!

‏التداول بالذهب لازم يكون شيء ملموس يعني اشتر هذي وامسك السبيكة بايدك، مو تشتري رقم على شاشة كأنك شاري سمك بالماي.

‏عمرك لا تقترض وتشري ذهب لان الذهب ادخار وليس اداة للمضاربة.

‏واخيراً احد يقص عليك يقول لك ااجر منك الذهب واعطيك كل شهر مبلغ. تراهم نصابين.