الذهب.. و قرار البيع أو الشراء
الذهب.. و قرار البيع أو الشراء
فهد الأربش
نصيحة لوجه الله من شخص يبي لكم الخير.
تكلمت سابقاً عن موضوع "البيع او شراء" الذهب ومدى دقة "تنبئات" بعض المحللين على صعود او نزول الذهب.
كذب المنجمون ولو صدقوا
امرأة عندها ما شاء الله عدد من كيلوات الذهب اتصلت علي وقالت لي شرايك ودي "ابيع" الذهب عشان ابني بيتي هالكلام من شهرين او اقل، قلت لها القرار راجع لج بصراحة لان الذهب اصعب من قرار بيع و شراء الأسهم، بس اقدر انصحج نصيحه
بيعي مثلا 70٪ او 60٪ من اللي عندج وخلي شوي بيعيهم "تدريجياً".
قالت خلاص بتوكل على الله و ابيع كل اللي عندي لاني "محتاجته" فلوس لبناء البيت ودفعات المقاولين.
باعت على سعر "20 الف دينار" الكيلو اليوم سعره تقريباً 24 الف دك وهذا لا يعني ان قرارها كان خاطئ
لان خلال هالفتره نزل و صعد بشكل جنوني فمستحيل اي انسان يقدر يتنبأ متى يبيع ومتى يشتري.
الخلاصة:
عندك فلوس تبي تشتري ذهب، اشتر ولا يهمك كم وصل السعر ونصيحة اشتر تدريجياً يعني مثلا كل شهر 20٪ من المبلغ اللي عندك.
تبي ((تبيع))؟
يعتمد على مدى حاجتك للكاش؟
هل عندك التزامات وتبي تسدد لشخص او جهه؟
او هل الذهب موجود بالتجوري وحاس انك تبي تبيع لان يمكن ينزل وتتحسف؟
اتبع احساسك و رغبتك و قناعتك وما عليك من اي انسان ولا تاخذ نصيحة احد أصلا لو اهم عندهم علم بالصعود او النزول جان صار عندهم الملايين،
واي قرار تاخذه سواء "بالشراء او البيع" توكل على الله وعمرك "لا تتحسف" على قرارك لان هذي "ارزاق" ومحد عنده علم الغيب إلا الله سبحانه وتعالى.
بالنهاية عسى ربي يوفق الجميع
مشابهه لـ الذهب.. و قرار البيع أو الشراء